大班鄭經翰日日狂抦領匯賤賣房委會資產，一般小市民開始發覺呢次可能又有筍貨上市，前政務司司長陳方安生噚日出席美國傳統基金會午餐會時，被問到會唔會入票買領匯，陳太初時話唔會買，但問多兩問陳太口氣開始鬆動，話遲啲先諗吓買唔買。陳太退休多年，每個月淨係收退休金都唔使憂啦，不過呢啲係香港人資產，陳太真金白銀支持都冇問題喎，但若然唔買都不妨通知聲，等小市民可以考慮吓，領匯係咪真係咁筍先？
至於不斷炮轟領匯嘅大班，據講日內有機會帶班小商戶去見領匯話事人蘇慶和，大班重講笑話領匯應多謝佢做埋「非正式包銷商」，若非佢猛話領匯賤賣資產，即係領匯好抵買啦，都唔會有咁多散戶有興趣。
（圖）陳太同美國國會議員海德言談甚歡。
傳真︰2623-9278
電郵︰