早前鄭希怡（Yumiko）遷入半山區豪宅後，一直忙為新居張羅布置及用品，日前她出現灣仔的家居裝飾材料公司，選購坐廁及浴缸，更「踎塔」試位，又細看套坐廁用的豹紋墊，她笑言冬天用廁墊才不會凍親PatPat。
鄭希怡兩個月前遷入港島半山區東山臺豪宅，至今仍忙於選購家居用品，日前Yumiko出現灣仔駱克道的家居裝飾材料公司，細選浴室及洗手間用品。當日下午約五時，Yumiko與經理人結伴離開位於灣仔的英皇總部後，兩人即徒步到附近的家居材料裝飾公司。
Yumiko隨即察看浴廁用品如花灑及坐廁等，其間她更即場試坐一個尺寸較細的坐廁，表情甚為滿意。隨後她又到另一間室內家品公司，細看坐廁、浴缸及坐廁用的豹紋墊，又跪地挑選門環。
事後問Yumiko是否為新居添置新坐廁，她笑說：「係呀，我睇到有個坐廁細細個，好得意，我喺冬天會喺個塔度套毛毛套，咁就唔會凍親patpat。我喺屋企個洗手間度裝咗盞發熱燈，開住盞燈去就唔會凍。」
Yumiko表示自新居入伙後，已選購大部份用品，目前仍欠一套電鼓及坐廁，她又笑言要下追殺令，向Boy'Z追討一副麻雀及麻雀枱。Yumiko笑說：「我喺度要呼籲Boy'Z嘅Kenny同Steven，佢哋講過話送套麻雀同麻雀枱畀我，但我搬咗兩次屋都未有呀吓，我出追殺令，佢哋唔送嘅話就唔會招呼佢哋上嚟，第日佢哋都會搬屋，有報應㗎，因為都唔會有人送禮物畀佢哋。」
採訪：朱倬誼 攝影：娛樂突發組
