政府喺上訴庭輸咗單公務員減薪官司，連帶公務員使唔使按原計劃出年一月一日減薪都惹起爭議，一直堅持話公務員人工脫離市場嘅自由黨主席田北俊，同班公務員好似死對頭，噚日又發炮。
田少話，公務員若然唔使減薪就好離譜，政府應該繼續執行公務員減薪政策，否則公信力何在？佢警告公務員團體堅持要政府回水，只會導致整個社會同公務員對抗。
田少又話，其實當初大部份公務員聽到分三次減薪，百分比只係○、三、三，個個都「𦧲飯應」，原本社會都冇晒爭議，如果公務員今次要求唔減薪，令呢個問題再次浮上水面，最終受害嘅都係公務員，因為社會大眾會再次留意到，公務員嘅薪酬較外界平均高四成咁多。
傳真︰2623-9278
電郵︰