董太噚日着到成個火紅色聖誕老人咁出席香港救助兒童會兒童愛心聖誕樹亮燈儀式，同一身綠衣嘅國際學校學生合唱團合照時，好有聖誕feel；不過轉個頭去預防愛滋病宣傳活動時又換咗第套裝束。
放心！身為紅絲帶中心贊助人嘅董太，當然知道愛滋病唔會透過日常生活接觸傳播，唔會着番舊年沙士期間，出巡牛頭角下邨嗰一套蒙臉超人戰衣，佢只係換咗套灰色衫啫。
董A1喺愛滋病在香港二十年難忘人物選舉頒獎禮上，衣着正常，不過言論就繼續出位，佢致辭時不忘提醒大家佢對愛滋病有乜貢獻，話當年初次見到何大一博士，就力邀何博士多啲返香港，重話最多請佢食多兩碗魚蛋粉。何博士近年不斷穿梭中港幫助愛滋病人，原來係董A1碗魚蛋粉喺背後發功，真係唔講都冇人知。
傳真︰2623-9278
電郵︰