近排為拍攝新戲《颱風》而拚命減肥嘅張東健，體重由八十公斤減到得番六十八公斤，早前佢出席青龍電影節頒獎禮嗰陣，就瘦到成塊面都凹晒，搞到我羅拉都差啲唔認得佢。而有唔少韓國網友就喺網上討論，懷疑張東健係咪整過容。不過健哥接受訪問時，就話自己連瞓覺嘅時間都冇，重點會咁得閒走去整容吖！