港台昨天舉行頒獎禮記者會，由劉德華、容祖兒和陳冠希（Edison）宣布歌曲候選名單。當中以陳慧琳和Twins最多候選歌曲，分別有六首，祖兒有五首，Edison、李克勤和古巨基則有四首歌。
Edison對於自己今年有四首歌說：「我都唔知有咁多歌入圍，之前啲頒獎禮，我都唔清楚點解會得獎，有懷疑過點解，有諗過係有關人士幫手，或者係咪我真係值得囉。今年除非好肯定有獎攞，同係我應得嘅，我先去頒獎禮。」
此外，華仔前日出席活動時，利孝和夫人對華仔說，遲些在頒獎禮上頒獎給他。昨天在活動上，助理廣播處長張文新於台上笑說：「華仔你嚟咗，但我今日唔會畀獎你，因為我哋每年頒獎禮都有個嘉賓負責頒獎。」事後問到華仔可會覺得被利用來宣傳，他說：「新哥講吓笑啫。」
採訪、攝影：王連連