英基學校協會俾審計署揭發係大花筒後，教統局磨刀霍霍，想撤去畀英基嘅資助，八方聽聞上星期三審計署公布報告當日，英基重發緊夢，竟然想搵「亞瑟王」李國章去坐鎮記者會，以顯示教統局撐英基喎。英基連邊個想殺佢都唔知，都算死有餘辜。
有話李國章上任後要諗邊度可以減開支，見到英基咁亂龍，於是就搵副秘書長謝凌潔貞去查數，點知愈揭愈臭，亞瑟王火都嚟埋，但嗰時英基高層依然夠膽三人食大餐，照開公數。
審計署𠵱家搵晒啲罪狀出嚟，李國章可以大條道理郁手，聽聞佢等出年二月英基新總裁上任後，睇佢點改革，如果唔掂，睇怕每年近三億元資助凍過水。
傳真︰2623-9278
電郵︰