大班噚日臨時提個「擱置領匯上市」動議，班議員好踴躍發言，由下晝五點幾拗到夜晚十一點，其後嘅兩個動議已經冇時間辯論，結果「小班教學」同埋「中醫藥發展」要留番今日下晝兩點半先再辯論。
由西九龍計劃、賤賣紅灣半島到賤賣領匯，單單都俾人話明益財團。民主黨李柱銘好晦氣話，不如索性將成個房屋局賤賣埋畀地產商，叫地產商搵人做局長算啦，如果行得通，將三司十一局全部賣晒，名副其實「商人治港」，咁老董搵局長就唔使搵得咁辛苦。
郭家麒就建議，既然房委會轄下嘅商戶驚加租，咁就更應該分啲領匯股份畀佢哋對沖，咁至少一邊蝕另一邊都賺番！
傳真︰2623-9278
電郵︰