【本報訊】環境運輸及工務局局長廖秀冬昨應邀到鄉議局解釋「新自然保育政策」，幾十名擔心土地發展權益受損的原居民到場抗議，有村代表更在會上揚言「真係想打你兩巴，不過睇見你咁靚，唔好嘞！」新界原居民協會主席簡炳墀則打斷局長發言，指政府照顧大財團，欺壓原居民，要求政府收購保育區。不過廖秀冬無懼群情激憤，斬釘截鐵表明政府不會花公帑收購保育區。 記者：林社炳
幾十名群情憤慨的原居民，昨日在鄉議局內外拉起橫額，指摘「保育政策，強搶豪奪，實與強盜，無乜分別」。甚至有原居民在鄉議局議事堂屋頂上，高掛「新界村民公投自治，倚靠政府靠唔住」等標語。廖秀冬座駕開抵鄉議局門外，怒氣沖天的原居民亦步亦趨，要由鄉議局副主席林偉強等人護駕步入議事堂。
廖秀冬在會上再次解釋政府的保育政策，讓業主可與發展商作小規模發展，以達保育目的，她重申原居民可自願參加。新界原居民協會主席簡炳墀打斷局長發言，指摘政府只顧大財團利益，他更不滿局長聽取意見時「笑咪咪」。他說，「啲地係我哋嘅，點解要我哋畀你，政府可以用錢買晒佢吖！政府大把錢，可以補償畀呢個，補償畀嗰個。」
廖局長隨即還以顏色。她說，「咁你係咪要我發脾氣吖！你講乜都得，政府大把錢去贖地，太難喇！你唔可以講政府大把錢，可以去派錢。」簡炳墀呼籲原居民抗爭到底。
被政府列入優先保育區的沙螺洞村代表張天福，會上更一度揚言：「我本來見到廖局長，真係想打你兩巴，不過睇見你咁靚，唔好嘞！」鄉議局主席劉皇發擔心，原居民不滿土地發展權益受損，不排除可能會破壞保育區生態環境。
