五十一歲的阿威從事保安員，乃家庭經濟支柱，早前阿威遇上交通意外，頭部受傷，出院後仍需長期尋求中西醫調理身體，負擔不輕。近月，其八十歲母親病逝，靠四出借錢才辦妥母親身後事，現一家快將面臨斷炊，蘋果日報慈善基金即時撥款援助，以解燃眉之急。
「大女一路未搵到嘢做，兩個細嘅又讀緊書，屋企開支好緊，早排阿威見精神好啲，同醫生講話想快啲返工，一來驚請病假太耐，會冇咗份工，二來又想快啲開工賺錢，自力更生。」
阿威妻子阿香說：「早排奶奶過身，我哋問朋友借咗錢，𠵱家阿威雖然有工開，但要還錢畀朋友，屋企又要開飯，加上佢又成日要睇中醫，經濟壓力真係好大……」
阿威與現年四十八歲妻子阿香結婚二十多年，夫婦育有兩女一子，二十三歲長女於今年大學畢業，至今仍未找到工作，二十一歲的次女現仍在求學，另幼子於去年中五畢業，現就讀一年制的商科課程。
阿威早年任職工廠雜工，九六年，因工廠北移內地失業，一家靠積蓄維生。數年前，他轉行當保安員維持一家生計。
阿香向記者表示，早前阿威在休假期間騎單車出外，詎料在橫過馬路時與輕鐵相撞，曾留院一個月接受治療。數月前，他康復出院返家休養，仍需覆診及服藥。
自他出事後，一家五口曾領取社會福利署發放的緊急援助金，維持短暫生活開支。
數月前，阿威母親不幸病逝，夫婦四出向朋友借錢，應付母親的殮葬開支，令經濟百上加斤，生活陷入困境。
辦妥母親後事，月前，阿威重返工作崗位，月入僅足以應付基本伙食開支，另外體弱阿威，現不時要看中醫煎藥，調理身體，每月負擔不輕。
近年，阿香經醫生證實患了良性子宮瘤，需長期往返醫院覆診，目前情況穩定。阿香歎道：「先生啱啱返番工，起碼下個月屋企開支先冇咁緊張，但始終靠佢一個人支撐成頭家係好辛苦，我自己身體又唔好，根本唔可以出去搵嘢做，總之盡量慳錢。」
蘋果日報慈善基金有見阿威一家五口正面臨斷炊，即時撥款三千元，助他們應付短暫生活急需，減輕其經濟壓力。
捐款編號：C1226
暖流熱線
電話：29908688
傳真：23702192
電郵：
網址：
