大製作《亞歷山大帝》雖然喺美國開畫嘅票房唔係太好，但喺其他地方嘅票房就相當唔錯，好似喺歐洲地區包括丹麥、芬蘭、瑞典、俄羅斯、土耳其以至亞洲嘅台灣，都能夠成為票房冠軍。另外，原本希臘有律師計劃控告電影公司將亞歷山大帝拍成一個雙性戀者，不過佢哋已經暫時擱置呢件事，佢哋會睇咗優先場先決定之後嘅行動。