經常糧期唔準嘅《成報》，十一月又冇辦法如期出糧，搞到唔少《成報》員工好唔開心。《成報》管理層噚日向全體員工發咗一封通告，解釋未能如期發放十一月份嘅人工，係因為資金調動出現技術問題，又話管理層好努力希望可以喺幾日內解決，又懇請全體同事可以耐心等多幾日。
有《成報》行家同八方講，呢次雖然唔係第一次冇糧出，但以前都係喺大家口中傳嚟傳去，唔似呢次咁官方出晒通告公告天下，所以有另一層嘅憂慮。八方都希望《成報》管理層快啲搞掂資金問題，等班手下可以開開心心過聖誕。
傳真︰2623-9278
電郵︰