本地商用車界，有近八成以上佔有率的豐田Hiace，推出至今經已有十多年歷史，雖然當中曾有過Facelifted，但外形及引擎配搭仍沿用本來的組合。早陣子東瀛傳來消息，新一代Hiace經已面世，香港代理雖仍續收舊版Hiace定單，卻未有新Hiace動向。
及後，經筆者打探原來代理商跟廠方對輸港的新Hiace仍未有定案，皆因新車一如早前到港的豐田ComfortLPG的士咁，經已全線改用上自動波箱，加上一台最新柴油引擎只得2.5公升版（馬力109匹），跟一眾同級對手有距離！筆者的最新消息指日後正式抵港的新Hiace或許會有手波版選擇外，還有望配備至Top的柴油Turbo引擎！係HiaceFans的你就真係要拭目以待，新車有望明年農曆年過後正式登場㗎！
記者：陳偉林