陳慧琳（Kelly）日前拍攝金至尊鑽飾品牌廣告，廣告將於今晚首播。Kelly以不同造型配襯價值不菲的珠寶鑽飾出現，分別在春曉、仲夏、初秋及嚴冬中發放不同的美態。
在現實生活中，凡事追求完美的Kelly對四季的衣着別有一番見解，她說︰「春天朝氣勃勃，畀人一種開心愉快嘅感覺，我特別鍾意着色彩鮮豔奪目嘅服裝；陽光充沛嘅夏天係我最鍾意嘅季節，雖然身為公眾人物唔可以到海邊暢泳，但我亦好鍾意喺屋企嘅露台享受日光浴。」
Kelly續說：「至於秋天天氣乾燥，最適宜飲滋補湯水，我最鍾意飲由家人同經理人親手炮製嘅雪梨豬𦟌響螺湯，我好怕凍，冬天我鍾意着深色衫襯鑽石呢啲閃亮飾物，為陰沉嘅冬天加添色彩。」