掀起名校轉直資潮嘅聖保羅男女中學，新校長陳黃麗娟今年九月上場後，即有新搞作。第一係向新加坡政府取經，喺初中引入生物科技教學，學校會用過十萬向一間新加坡生物科技顧問公司購買服務，從星洲請專人嚟教學生，課程連DNA問題都會講到，等學生從小培育探究學問精神。
陳校長噚日又話，學校喺一間國際學校挖咗位留學輔導主任返嚟，專門協助學生搞海外升學；又話第日可能安排學生去迪士尼樂園學習嚟提升創意。佢重話，研究為全校老師提供停職留薪計劃，等佢哋可以喺有收入下去進修。
聖保羅雖然學費每年收四萬八，但校監麥海雄醫生話聽到「貴族直資」幾個字就心痛，因為學校收生不論貧富，有需要可享學費減免，明年亦會放寬申請要求喎。
傳真︰2623-9278
電郵︰