嶺南大學噚日向芳艷芬頒發榮譽社會科學博士名銜，唔單止佢嘅兒女子孫捧場，廣播處前處長張敏儀都專程入嶺南恭賀佢。張敏儀話，細細個嘅時候婆婆已經成日帶佢睇芬姐演出嘅大戲，自從十年前請過芬姐復出籌款，一直都有聯絡。
芬姐噚日好開心，唔少學生同家長搶住攞佢簽名，但佢就笑住話，𠵱家年紀太大，唔會再復出，就算玩都要氣力咁話。
除咗芬姐，獲嶺大頒授榮譽博士學位嘅重有中國教育部副部長章新勝、撰寫《白髮魔女傳》嘅著名武俠小說作家陳文統（即係梁羽生），同埋協成行集團主席方潤華。
傳真︰2623-9278
電郵︰
