【本報訊】發展商為求公眾諒解他們拆卸新樓的舉措，不惜狂踩居屋質素。不過，有測量師指私人參建居屋質素「唔係差」，用料已勝過一般居屋單位。有環保及關注房屋人士更質疑，新世界有份興建紅灣半島，「點解會起一啲唔住得人嘅地方畀人住？」
新世界執行董事梁志堅昨批評，紅灣半島的質素遠差於私人樓宇，「𠵱家啲廁所，大肚婆都入唔到去，連好似我咁一般身形嘅人都入唔到，企埋一邊都閂唔到門，入到去重撞到個洗手盆。」他聲言，為了糾正這些「唔啱嘅嘢」，惟有全面拆卸紅灣半島。
美聯物業測量師林子彬則認為，私人參建居屋無論質素、用料、間格，以至外貌都與私樓「差唔多」。他以同是私人參建居屋、位於九龍灣的麗晶花園為例，其呎價緊貼私人市場，反映私樓、私人參建居屋分別不大。麗晶花園現時平均呎價約二千三百元，與同區的私樓淘大花園和德福花園，呎價平均相差約三至五百元。
公屋聯會總幹事何偉民表示，紅灣半島質素並無問題，批評「大肚婆連廁所都入唔到」言論過火，目的是為拆樓作掩飾。房屋政策評議會總幹事葉肖萍稱，當年新世界亦有份興建紅灣，昨日的言論是「自打嘴巴」。地球之友環境事務經理朱漢強更質疑，新世界作為參建商，「點解會起一啲唔住得人嘅地方畀人住？」
