所謂秤不離鉈！買投影機之人士，好多時都要考慮埋買番個同佢匹配嘅掛幕！一般嚟講，呢類掛幕都係以布料或纖維（美其名為纖維，其實話佢係塑膠製更貼切！）製造，不過最近日本嗰邊好破格，竟然用上「紙」嚟做掛幕，據稱堅韌度非常高，不過最重要係價錢非常平，只係一般「入門級」白掛幕嘅一半價錢左右，真係相當吸引。
呢隻由日本公司Pigeonnet生產嘅投影機掛幕，共分60荂]PSW-60F）及80荂]PSW-80F）兩隻型號，基本用料規格完全一樣，只係尺寸唔同；顯示規格為現時最流行的16:9，兩隻掛幕的表面都塗有特別的防反光物料，背後更加塗有防透光的黑色物料，所以顯示能力同一般掛幕一樣，達至0.8「增益值」的入門要求，不過價錢就超平，PSW-60F為4,700日圓（港幣約$355）、PSW-80F則為6,300日圓（港幣約$476），相對現時香港一般入門級掛幕，真係剛好是一半價錢。
記者：朱崇德