喺山頂結婚好浪漫，估唔到畀一對日本新人飲咗頭啖湯！天野隆一同小川美穗噚日喺可以遠眺維港兩岸迷人景致嘅山頂凌霄閣瞭望台搞婚禮，成為第一對喺山頂結婚嘅新人。
新郎哥隆一話佢今年三月被公司派嚟香港做嘢，八月隆一帶未婚妻美穗一齊行山頂，發覺呢個係佢哋見過最靚嘅地方，於是就揀呢度搞婚禮。噚日租場費只係五千蚊，整個婚禮三萬蚊唔使，但香港嘅新人想有樣學樣，睇怕都要等好耐，事關凌霄閣明年三月會裝修，○六年先開番！
（圖）隆一同美穗係第一對喺山頂搞婚禮嘅新人。 凌樹輝攝
傳真︰2623-9278
電郵︰