李麗珍經理人曾志偉昨日直斥馬桂燦（JackyMa）太太李靜婷出爆料性書乃無聊之舉，更指馬太此舉並未為下一代着想，對於書中指李小姐在馬太面前作出位表演，志偉說：「點信吖，唔通雜技表演，可信度係零。」
曾志偉昨日出席在灣仔會展舉行的「元旦慈善登國金獅子群星顯愛心」慈善樓梯步行新聞發布會，席間志偉被問到馬桂燦太太李靜婷日前推出的性書《珍人真事》，大爆李小姐跟馬氏夫婦的荒唐關係一事，志偉覺得出書一事十分無聊，他說：「珍妹件事已經過咗，成件事馬太真係有啲過份，就算唔為自己都為吓下一代着想，大家都有細路。」
志偉表示未曾看過《珍人真事》一書，他說：「我有聽朋友講過，大部份都係虛構，呢本書比起鹹書重低俗，可信度係零，我問過都冇人信係真，真係點信吖，唔通雜技表演！」
至於會否採取法律行動或者禁制出書時，志偉說：「件事已經交由律師處理，禁制令就唔會，咪由得佢賣，愈禁可能愈多人買，由佢賣到冇人睇，真係損人不利己。」
另外，志偉表示會身體力行支持國金慈善步行，他說：「下個月三十一號我會喺成都過除夕，新年會返港參加國金慈善跑，跑幾多就視乎當日身體狀況同環境。到現時為止有過百藝人參加，我就叫唐季禮搵一班演藝精英同一班紀律部隊比賽，班紀律部隊會着制服，藝人就會借用無綫戲服比賽，做到好似一個嘉年華。」
採訪：何永寧
攝影：葉君海
