自稱熟讀兵法嘅呂明華領導無方，搞到公投動議拖咗成個幾月，到噚日先至喺立法會成功表決。唔知係咪等得太耐，會議到投票一刻，嗌「支持公投嘅請舉手」嘅時候，成班民主派個個反應遲鈍，大家你眼望我眼，竟然冇人識舉手。
一邊反應遲鈍，另一邊就魂遊太虛。唔知係咪見到班民主派個個冇舉手，民建聯譚耀宗搞錯咗，以為輪到投反對票，結果喺嗰一刻無端端舉咗手，成為唯一支持公投嘅議員。過咗零點幾秒，見到個個保皇黨都冇舉手，佢先知道搞錯咗，即刻縮返隻手，場面惹笑！
另外，班民間團體噚晚再開會傾公投，民陣嘅鍾松輝同八方講，進展真喺麻麻哋，佢哋會再諮詢團體嘅意見，睇吓啲團體有冇興趣，搞啲宣傳公投嘅活動。
傳真︰2623-9278
電郵︰