話咁快已經步入二○○四年尾聲，大使見尖東同中環已經晚晚亮起璀璨燈飾，好多餐廳同購物商場亦紛紛布置咗聖誕裝飾，同市民一齊迎接佳節來臨。
蘋果日報慈善基金一向關懷弱勢社群，嚟緊十二月，基金在善長贊助下，會安排多個聖誕慶祝節目，令一眾弱老、貧家兒童感受節日歡愉氣氛同社會人士嘅暖暖關懷。
連串慶祝節目嘅頭炮，係由今日起至下月二十九號，由一位長期善長贊助，喺佢開設嘅餐廳筵開十三場中式盆菜宴，每場均會免費招待三十八位獨居長者，受惠人數接近五百名。
基金獲另一位善心人日前一擲十萬元贊助下，喺聖誕節前夕，邀請近五百位綜援或單親家庭嘅小朋友去酒店食聖誕自助餐，讓孩子們飽嘗美食，留下美好童年回憶。
讓孩童嘗聖誕餐
基金為弱勢社群安排嘅聖誕節目，將會陸續推出，不過，基金亦有賴各界善長慷慨支持，透過捐款或送贈物資，令更多窮苦人士受惠，將愛心廣傳。
暖流熱線
電話：29908688
傳真：23702192
電郵：