精明消費：天氣乾燥
燉滋補靚湯潤一潤
天氣一轉，喉嚨又乾又涸，呢個時候一盅燉湯或糖水就有如靈丹一樣，勝過無數喉糖。工欲善其事，必先利其器，有靚材料都要有個燉盅幫幫手。無論係燉湯高手抑或係初學新丁，以下介紹都不容錯過，事關今日已為各位搜羅了多款燉盅，當中包括傳統陶瓷及電子款式，睇啱就要趁快入貨喇！
記者：黃婉冰
攝影：蔡鴻雯
ImageGirl：Vicki
大型燉盅靚湯同享
獨食難肥，有靚湯當然要一家人齊齊分享。一般燉盅份量只夠一個人飲，想燉多少少？睇怕都要買個有咁上下「份量」嘅大燉盅先足夠。為免買晒材料先發覺燉盅唔夠大，不如先睇睇以下幾款推介，睇吓有邊款合用！
設計反傳統：易提雙耳設計
泰國皇家骨瓷燉盅，骨瓷以輕薄、光滑易傳熱及耐用見稱。有如西式茶壺的外形，配以清雅花紋，比傳統中式燉盅特別，兩側大耳設計可更輕易將燉盅提起。
售價：$599(b)
尺寸：直徑11×高14cm
紅葫蘆最搶鏡
色香味俱全，「色」當然是重要元素之一。餐具亦不例外，這款燉盅圖畫雖簡單，但勝在用色夠Sharp，紅葫蘆綴以綠葉，賣相夠晒搶。
售價：$49(e)
尺寸：直徑15×高13cm
闊口鍋放材料方便
中式陶瓷燉鍋，用上最經典而又傳統的龍圖，畫工精細。鍋口夠晒大，易於放大量甚至大件的湯料，特闊鍋口邊可便於提起，燉多料靚湯必備。
售價：$382(a)
尺寸：直徑25.5×高9.5cm
燉雞湯最啱
講求意頭，首選當然是這款百福圖燉盅。圖案、外形獨特，容量較大，可用來放較多份量的湯料，用來燉人參雞湯最適合。盅蓋有小孔，便於用繩穿起後掛起收藏。
售價：$380(a)
尺寸：直徑19×高16cm
電子燉盅唔使睇火夠安全
現代家庭「煮」婦要返工又要煮飯，何來幾個鐘坐定定睇住火燉湯？想晚晚有滋潤靚湯飲，惟有靠電子燉盅，備有時間、火力設定及保溫功能，燉完自動保溫，遇上乾水又會自動斷電，唔使睇火又安全，DayDay都有靚燉湯飲。
最襯西式廚具
要襯番廚房裏的西式餐具，這款骨瓷燉鍋可能最啱你。淺闊鍋身可用來盛載較細件的湯料，鍋身及蓋布滿暗花圖案，綴以銀色線條，賣相西化。
售價：$388(b)
尺寸：直徑23×高8cm
另類塗鴉圖案
喜歡另類一點的圖案，這款有點似胡亂塗鴉的款式或許會得到你的垂青。在中式陶瓷器皿上畫上帶有藝術氣息的花紋，效果突出。
售價：$90(a)
尺寸：直徑13×高11cm
一鍋多用：電子瓦鍋煲粥都得
微電腦多功能電子瓦鍋，有紫砂內膽及燉盅，燉盅容量1.2公升，內膽容量3.5公升。燉盅內膽更可以用來煲粥、煲湯，有一小時快熱、燉湯、煲粥等時間設定，可保溫10小時。
售價：$438(f)
型號：施樂牌SR-335
預校時間蒸燜燉
微電腦多功能蒸燉煲，陶瓷燉盅配不銹鋼內膽，燉盅容量2.5公升，內膽容量6公升。有1至9小時不同時間設定，另有蒸、煲、燉三個模式時間設定，取出燉盅後，不銹鋼內膽可用來煲粥煲湯。
售價：$398(f)
型號：施樂牌SR-225
保溫時間最長：保溫達60小時
電子紫砂燉盅，容量1.8公升，紫砂製內膽，透氣度高易清洗，微電腦控制，可設定時間，有三度火力選擇保溫達60小時。備有缺水自動斷電裝置，安全易用。
售價：$599(c)
型號：樂信牌RA-SP18
天然陶瓷保溫性能高
美的「健之王」微電腦數碼燉盅，容量2公升，盅身採用天然白玉陶瓷，升溫均勻，保溫性能高。微電腦快思邏輯控制，備有強弱火力及保溫功能，另附送蒸架，用來蒸蛋最啱。
售價：$499(c)
型號：美的ZC201
大小燉盅俱備
這個電子燉盅，內有容量為1公升及2公升的大小燉盅各一個。備有防燒乾功能，當水下降至一定位置時，便會自動停止加熱，確保安全。有強、弱火力、保溫及時間設定，附送蒸架一個。
售價：$499(c)
型號：皇冠牌SS-20M
乾水響警號
微電腦電子燉盅，容量1.6公升，自動、高火、低火三段火力控制，有10小時時間設定及延遲啟動時間調校。備自動保溫功能，10小時後會自動熄火，乾水時會有響號及自動截斷發熱管電源。
售價：$299(e)
型號：東寶牌WT-16AII
操作簡易
紫砂陶瓷電子燉盅，容量1.8公升，陶瓷內膽可保持食物原汁原味，單一機械式旋鈕，操作簡單方便。有強、弱、自動三種火力調校，遇上缺水時會自動截斷電源，確保安全。
售價：$328(a)
型號：美好牌JD18
小燉盅花款多豐儉由人
屋企只得兩支公，一人份量的燉盅就啱啱好。唔好以為燉盅來來去去一個樣，查實一人燉盅都有大細之分，前者至啱燉足料靚湯，細細個要嚟燉冰糖燕窩就最Fit，重有中外各種不同款式，價錢豐儉由人。
預校時間燉完再燉
這個電子燉盅，採用陶瓷內膽，容量為3公升，設有電子加熱功能，可設定在燉起後三小時自動開啟加熱。水乾時會有響號提示，然後自動截斷電源。
售價：$378(a)
型號：伊田牌SP-15E
盅內有盅
「御滋補」紫砂燉盅，容量為2公升，備有大小兩個紫砂燉盅，可因應不同份量而使用不同容量的燉盅。備有三段火力及時間設定，水乾時會響號，發熱系統亦會自動中斷以保安全。
售價：$699(c)
型號：樂信牌RA-SP20
嬌俏桃花
盅面印滿粉藍色桃花，用蝙蝠做兩邊耳仔，圖案簡單清雅，５吋的尺寸燉糖水啱啱好。另備有７吋高的尺寸選擇。
售價：$35(e)
罕有紅雙喜
略嫌傳統白底藍花太一般見「色」，這款紅噹噹雙喜圖又點睇？雙喜字款襯上大花圖案，紅×白，望落點都搶眼過藍白圖案！
售價：$90(a)
百壽圖好意頭
繼百福圖後又一好意頭之作，在燉盅上寫滿不同字體的壽字，對老一輩來說當然夠晒意頭，再買埋個百福圖，咁咪福壽雙全喇！
售價：$90(a)
日式燉盅畫工精細
有個靚靚燉盅，隨時連食慾都大增。這款日本正宗波堂草陶瓷燉盅，特點是畫工精細，用色特別，做出來的效果與別不同。其質料密度高，堅硬耐用，用來燉冰糖燕窩最啱。
售價：$86.9(b)
韓國骨瓷耐用傳熱
韓國骨瓷燉盅，骨瓷在燒製時加入牛骨粉，令質料更堅硬耐用且較傳熱，除質料取勝外，賣相亦吸引，波浪圖案帶點日本風格，外形攞滿分。
售價：$98(b)
經濟抵用：搞笑版三隻小豬
高溫陶瓷迷你湯盅，容量500ml，高溫陶瓷耐熱度高，加上外形的骰，用來燉糖水最啱。盅面畫上三隻Cutie小豬，靠佢哋嘅搞笑賣相已夠晒吸引。
售價：$29.9(c)
燉多料靚湯必備
燉湯鍾意落重料，這個陶瓷盅比一般較闊身的會比較適合，放多幾樣湯料都無問題，通花襯大藍花，中西合璧。11cm高×13.5cm直徑。
售價：$140(a)
店舖資料：
(a)裕華國貨 23840084 九龍彌敦道301-309號
(b)西田百貨 26941111 沙田新城市廣場三期2樓
(c)實惠 29237010 銅鑼灣怡和街1號香港大廈地庫
(d)吉之島 26276688 黃埔花園第五及六期地面及地庫一層
(e)日本城 23636359 黃埔花園十二期(家居庭)商場地下16號舖
(f)永安 27106288 九龍彌敦道345號永安九龍中心
日本高耐熱質料
日式小型橫綱鍋，高耐熱質料，受熱度為20-140度，可放入微波爐及焗爐，特製質料有助保持食物味道及營養，得意蟹仔圖案加上外形的骰，賣相吸引，最適合用來做燉蛋或燉湯水，容量450ml。
售價：$19.9(d)
純白骨瓷易清潔
DYNASTY純白色骨瓷小湯盅，特點是輕薄、堅硬耐用兼且傳熱快，質料表面光滑易於清洗，容量450ml，一人一盅夠晒滋味，價錢雖然貴少少，但夠耐用就無所謂喇。
售價：$97(d)