曾傳緋聞的古天樂與郭羨妮昨日齊往大埔超級城出席活動，兩人被安排以情侶姿態出現，郭羨妮神態自若，反而古仔表現尷尬。郭羨妮表示聖誕要離港拍劇，所以會傳送短訊祝古仔聖誕快樂。
曾傳緋聞的古天樂及郭羨妮昨日以「聖誕夢工場之星」身份往大埔超級城出席一聖誕節活動，郭羨妮身穿火紅色晚裝，佩戴價值逾千萬珠寶，同場並有名模Rosemary及向華強兒子向展平教小朋友打功夫等節目演出。
昨日大會安排古天樂及郭羨妮一同出場，記者笑兩人似一對情侶，古仔表現尷尬，反而郭羨妮說：「好開心今日再同古仔合作，我哋好耐冇見，啱啱喺後台對稿時都有講有笑。」她透露今個聖誕節要往北京拍劇，過白色聖誕，記者問她會否送聖誕卡給古仔？她說：「重送卡？𠵱家興sendSMS短訊同e-mial，我會sendSMS祝佢聖誕快樂。」
古仔透露今個聖誕會留港過節，他說：「舊年聖誕我同媽咪焗火雞，但焗極都唔熟，今年都係打算買隻現成嘅算啦，重有我會大事布置屋企，等全屋充滿聖誕氣氛。」早前他拍百事廣告時鎖骨離骱，古仔說：「醫生話要等啲軟骨生番先冇事。」
採訪：梁錦雯 女攝影：何國豪
