港台前晚舉辦《禁毒滅罪耀北區音樂會》，去年該節目沒有找英皇歌手演出，但今年情況有變，連有案底的謝霆鋒也有出席。而劉德華提到陳見飛藏毒事件時，就直斥其幼稚及不愛惜生命。
劉德華、謝霆鋒、容祖兒、楊千嬅及古巨基等前晚在粉嶺演出《禁毒滅罪耀北區2004——活出精彩人生音樂會》，去年因英皇旗下有藝人涉及官非，故港台沒有邀請英皇歌手出席，但今年情況已不同，除了容祖兒、鄭希怡及Boy'Z外，連有案底的謝霆鋒也有份參與呼籲禁毒滅罪，不過他竟不知道自己參加的活動性質。
當霆鋒被要求就活動主題作呼籲時，他說：「吓？乜今晚禁毒咩，唔係滅罪咋咩？」問到覺不覺得接連發生藝人藏毒事件會影響娛圈形象，霆鋒說：「一定有影響，但藝人都係人，都會犯錯，超人識飛都係人啫，每個人嘅行為都會影響佢選擇嘅路，如果人哋喺報紙睇到謝霆鋒講交通安全，人哋都會覺得食屎啦，都冇晒形象。」問霆鋒是否覺得自己已沒有形象，他說：「比喻啫。」談到滅罪，霆鋒只尷尬地說：「唔識答，唔知點答呀。」
前晚眾歌手演出，以劉德華反應最為熱烈，他投入獻唱又走到台下與觀眾握手，誰知當他走回台上時，竟在樓梯跣倒，嚇得觀眾目瞪口呆，幸好華仔反應甚快地扮作躺在樓梯上，繼續唱歌，博得全場掌聲，事後華仔說：「我係因為觀眾嘅熱情而傾倒，我冇事，大家唔使擔心。」
華仔又表示黃霑舉殯時，他正在內地為新戲宣傳，無法返港，他說：「送唔到佢我覺得好遺憾，我會喺心中送佢一程。」提到陳見飛藏毒事件，華仔說：「都唔明點解啲人要做呢啲行為，玩乜都好，唔好玩呢樣啦，好幼稚，呢排咁多前輩離開，大家應該更珍惜生命，公眾人物會影響其他人，對社會要有責任，或者有啲人覺得自己形象唔重要，但唔顧形象都顧吓健康呀。」
對於農曆年後沒片排期上映，華仔表示若真的沒有人開拍，他會自資拍戲，他又說：「其實《頭文字D》同《七劍》都做緊後期啦。」至於有人提議為此遊行，華仔謂：「遊嚟做乜，最緊要做好自己，有時間咪去，冇時間去嘅都唔好怪人，最緊要係做好電影。」
採訪：胡比 攝影：葉君海
