陳冠希（Edison）胞姊陳見飛大前日在澳門藏毒被捕，陳見飛承認控罪，獲輕判罰款二千元，她獲釋後已於前日返港，與此同時，Edison前晚卻在中環開P，他的緋聞女友MaggieQ、Stephy及Rosanne更齊齊撐場。
陳冠希胞姊陳見飛大前日於澳門過關時，被海關搜獲0.383克可卡因而當場被捕，翌日陳見飛在庭上承認控罪，獲法官輕判罰款二千元了事，毋須留案底。陳見飛獲釋後已於前日即時返港，並發聲明否認藏毒。
正當陳見飛弄得一身蟻之際，Edison卻節目多多，為迎接品牌Undercover的日籍設計師來港，他在下午先出席有份舉辦的畫展，其後再往山頂與設計師用膳，晚上則假中環Jewel的士高舉行派對慶功。其三位緋聞女友包括MaggieQ、Cookies成員Stephy及2R的Rosanne更前後腳到場助陣。
陳見飛前晚返回Edison位於羅便臣道的豪宅後，便沒有出門，故缺席胞弟的派對。反觀Edison於前晚近十二時許便以主人家身份抵達中環，提到胞姊發聲明否認藏毒，Edison只說：「唔清楚，今日我成日都同佢哋（設計師）一齊。」問他是否慶幸胞姊獲釋？他說：「最緊要佢冇事。」
前晚Edison的派對星光熠熠，除了三位緋聞女友外，與MaggieQ傳過緋聞的楊其龍亦有到場，其他名人尚有楊千嬅、盧恬兒、何超儀夫婦及徐濠縈等。大部份嘉賓於凌晨一時許離開，但Stephy及Rosanne則玩至清晨四時許才離去。
此外，向展平姊姊向筠羚昨日出席公開活動，提到好友陳見飛被控藏毒，向筠羚力撐說：「我前日已經去咗佢屋企陪佢，佢心情冇事、冇喊，淨係話覺得自己好黑仔，佢喺庭上承認藏毒，係佢律師同爹哋畀佢嘅advice，因為唔想件事拖咁耐。」陳見飛稱不知有可卡因在新買的手袋內，解釋十分牽強，向筠羚則說：「我同佢去過呢類專賣水貨嘅warehouse買手袋，點知裏面會有包粉嘅啫？可能有人利用水貨運毒呢？」
另一方面，陳見飛的前度男友EO2的成員Eddie昨日出席公開活動，他說：「我同佢（陳見飛）通過電話，知佢冇事就夠啦，總之我識嘅佢係好乖，戇居居嘅一個女仔，絕對冇呢啲不良嗜好。」
採訪、攝影：娛樂突發組
