自從老董搞咗個問責制之後，人人都怨聲載道，特別係班新聞秘書，佢哋當中除咗李國章由中大帶埋個秘書阿May過檔之外，個個都係紅褲仔出身、有長俸食嘅公務員，由低級做到總新聞主任，本來可以唞唞，點知服侍嘅司局長係政治動物，乜都要昅到實，新聞秘書從此變成超級超級大跟班，局長無論去邊都要跟住，怕有記者出現。
最近壹仔有報道話阿May對李國章服侍特別周到，連局長去廁所都管埋，啲新秘為阿May抱不平，話一啲都唔出奇，佢哋個個都咁做，因為局長有時啲活動太忙，真係去廁所都唔得閒。至於幫局長影相，就更有口難言，因為政府收縮開支，連攝影師都欠奉，新秘都要影埋相。
傳真︰2623-9278
電郵︰