自從「長毛」梁國雄挺身而出，喺城市論壇出口同班維園阿伯過招後，呢個節目就成為咗測試民主派議員應付刁民技巧嘅場地。有時睇住佢哋交鋒，分分鐘重精采過聽班講者噏乜。噚日輪到鄭大班接受呢個考驗，佢老人家人未到，嗰班維園阿伯經已鬼咁猴擒，不斷喺場外爆出大量粗口。
大班十二點鐘準時入場，幾個同大班隔成百呎遠嘅老伯當堂好似上咗身咁，隔住鐵馬大嗌「鄭臭嘴」、「鄭臭嘴」。鬧人重多過班阿伯講粗口嘅鄭大班又點會怕？佢一邊坐低，一邊向班維園阿伯揮手示意，明寸班阿伯入唔到嚟，搞到班阿伯冇晒符。佢呢頭坐低應付完班阿伯，嗰頭即刻有幾個師奶fans同佢打招呼。當論壇完畢，在場嘅警察用足三個鐵馬隔住三十幾個維園阿伯，大班就施施然咁喺相反方向離去。
（圖）面對班維園阿伯大聲叫囂，鄭大班（左二）一於少理，重大方咁同佢哋揮手示意。
馬泉崇攝
傳真︰2623-9278
電郵︰