兩個喪親家庭，獲讀者伸出援手，助度經濟難關。林婆婆自老伴癌病逝世後，生活無依，獲善長雪中送炭。
阿菊丈夫月前肝癌病逝，她現與三歲稚子相依為命，讀者捐款關懷，暫紓困境。
「前排喺快餐店搵到份工，做打雜同送外賣，不過自己雙腳唔爭氣，唔企得耐，返咗幾日工已經頂唔順，惟有辭職。」早年因車禍導致行動不便的林婆婆歎着氣說。
年近六旬的林婆婆，與丈夫伍莊分隔中港兩地多年，夫婦膝下無兒。去年底，林婆婆來港與丈夫團聚，當時伍伯已證實患咽喉癌，至八月中與世長辭。
伍伯退休前在港從事製衣工作，晚年靠綜援金生活；由於林婆婆為新來港人士，未合乎申請綜援資格，伍伯病逝後，社會福利署即時停止發放經濟援助，令林婆婆彷徨不已。
蘋果日報慈善基金早前曾於「殮葬專戶」撥款一萬元，協助林婆婆辦理伍伯後事及應付短暫生活費；日前另將合共一萬八千九百九十元的善款轉交她。
「之前蘋果基金嘅緊急撥款，我用嚟辦完老公嘅身後事之後，已經所餘無幾。最近房屋署、電燈公司、水務署都話因為戶主過咗身，要我再畀過啲按金辦轉名手續，筆費用加埋成二千幾蚊，我又已經冇乜錢應付生活開支，都唔知點算。𠵱家得到捐款，我就安心。」林婆婆感激地說。
捐款編號：C1509
「我老公嘅骨灰，啱啱落葬咗喺柴灣歌連臣角墳場，佢嘅身後事已經搞掂晒，以後就得番我同囝囝相依為命。」新寡阿菊感觸地說。
二十六歲內地婦阿菊，早年與四十二歲港人阿強結婚，她其後在港誕下兒子銘仔，現年三歲。
今年四月，阿強突覺腹部脹痛，經醫生檢查後證實他患上末期肝癌，短短數個月便離世，遺下孤兒寡婦。
阿強生前為水電技工，是家庭經濟支柱，他身故後，沒有遺下積蓄，阿菊早前要四出向親友籌錢才能替亡夫舉殯。
銘仔近月已獲社會福利署發放綜援金，阿菊現持雙程證留港照顧兒子。蘋果日報慈善基金曾撥款六千元助兩母子應急，近日另將善款合共二萬六千零一十元轉交阿菊。
阿菊表示：「呢幾個月真係過得好苦，見到啲水、電費單，學費單就驚，無論如何，我都好多謝各位善長，希望第日有機會報答大家。」
捐款編號：C1524
暖流熱線
電話：29908688
傳真：23702192
電郵：
