為咗表揚乒乓孖寶幾個月前幫香港爭光，九鐵今日會喺體育學院搞個頒獎儀式，致送兩張特別版八達通畀李靜同高禮澤，等佢哋可以成世免費任搭九鐵、西鐵同埋輕鐵，咁以後九鐵取消優惠或者加價，乒乓孖寶都唔使憂啦！
九鐵公關話，今次係九鐵首次咁大手筆送出終生免費車飛，除咗乒乓孖寶外，傷殘奧運會嘅獎牌得主，包括短跑好手蘇樺偉都有份，希望可以推動一吓本地嘅體育發展。
八方唔知高禮澤同李靜住邊，斷估都會坐吓火車返去位於火炭嘅體育學院，九鐵今次送免費車飛，遲係遲咗啲，好過冇咁啦。
傳真︰2623-9278
電郵︰