繼周永恆及吳浩康因藏毒在港被捕後，陳見飛前日在澳門亦因藏毒被捕，不少圈中人得悉此事後，均表示盼娛樂圈中人能潔身自愛，拒絕毒品。
Cookies： 我哋唔識佢，不過我哋前幾日先喺街見到佢同朋友行街，希望佢冇事啦！
林曉峰： 娛樂圈實在太多負面新聞啦，啲人拖垮晒成個娛樂圈，搞到好似每個人都食呢啲嘢咁。
古巨基： 所有人都唔應該掂呢啲嘢，而且做呢行係公眾人物，對社會風氣係會有影響，所以應該要潔身自愛，要帶啲正面訊息出嚟。
容祖兒： 其實我同佢唔係太熟，每個人嘅選擇唔同，最緊要係承擔到自己嘅責任。
Shine： 同佢係同期出道，但就唔係好熟，見面會打招呼，踏入新一年希望呢啲事唔好再發生，每個人都唔好掂呢啲。
鄭融： 我唔識佢，知道件事好驚訝，點解成日有呢啲嘢發生，我身邊嘅朋友都好健康，所以呢啲嘢誘惑唔到我。
余文樂： 我同佢唔熟，唔清楚件事，我諗呢啲係控制能力問題，係個人問題。