2002年《叛諜追擊》首集上映，不論在選角、故事都以完全反邏輯思維演繹，真係睇到人歎為觀止；所謂好戲就必追續集，今年8月香港上映嘅《叛諜追擊2：機密圈套》，話咁快都出咗3區DVD版。經過上集「失憶」、「追殺」之旅後，積遜龐（麥迪文飾）和瑪莉（法蘭嘉寶妲黛飾）終於在希臘海岸一陽光村落，找到了安全的棲身之所，誰想到破碎的回憶和夢魘依然纏繞着積，而神秘的敵人又再四面埋伏；由於瑪莉突然失蹤，令積迫不得已重出江湖，與神秘兇徒展開連場間諜埋身戰，因此再被捲入國際陰謀漩渦。
論戲味，《叛2》真係稍有不如第一集！正所謂珠肉在「前」，而且第一集玩橋都實在去得太盡，要勝過佢，都真係冇可能；不過今次《叛2》的戲肉，我反而覺得係一直成謎嘅積遜龐身世，將在今集內逐一揭盅！《叛》嘅Fans冇可能唔睇！
DVDPro：23326326
漂亮能幹的祖安娜（妮歌潔曼飾）一天突然遭解僱，壞事接踵而至。她與丈夫華特（馬修波特歷飾）搬到偏遠郊區小鎮史代福重新開始。祖安娜總覺得這個看似平靜的小鎮怪裏怪氣，每個太太都像威卡萊太太（格蓮高絲飾）一樣笑容可掬，入得廚房，出得廳堂，對丈夫言聽計從得像機械人一樣，充滿不安感覺的她遂與同是來自紐約的波比（比提美娜飾）試圖揭開背後真相。
其實電影是改編自1975年暢銷小說作家艾瑞勒文的同名小說。筆者看畢此戲，最令人反思之處，就係幸福好多時並不需要在事事「完美」中尋求，人生有一點缺點、不完美，可能是最實在，同另具一種自然的吸引力。