劉德華、楊千嬅、何韻詩、陳慧琳及古巨基等，昨晚齊往粉嶺出席《禁毒滅罪耀北區2004——活出精彩人生音樂會》，港台每年都邀請不少歌手呼籲禁毒，但近日來卻愈來愈多歌手因藏毒被捕。
提到陳見飛前日因藏毒在澳門被捕一事，何韻詩說：「真係無話可說，變咗好似娛樂圈就係咁，其實係成個社會嘅風氣，某程度上畀人覺得係潮流，我絕對反對，趁呢個機會呼籲禁毒，吸毒絕對唔係有型。」至於與陳冠希相熟的楊千嬅則說：「我同陳見飛只係喺公開場合見過幾面，陳冠希有介紹過，唔相熟，呢個係個別例子，好多藝人都唔係咁。」
此外，昨晚音樂會開始時，華仔帶領許志安、陳慧琳及古巨基等一班歌手，拿着蠟燭合唱《問我》向黃霑致敬，華仔說：「雖然霑叔離開咗我哋，但佢留低好多回憶，我同班朋友要唱《問我》向佢致敬，希望現場觀眾可以一齊起立。」全場二萬觀眾齊齊起立合唱，場面壯觀。
採訪：胡比 攝影：葉君海