今日開倉：<br>名牌鞋大跌價真皮HushPuppies$300有找

今日開倉：
名牌鞋大跌價真皮HushPuppies$300有找

換季時節，好易搞到財赤，所以買還買，都係要精打細算。有見及此，今日誠意為眾兄弟姊妹介紹呢個名牌鞋大特賣，HushPuppies、Timberland、K-Swiss、Clarks、ecco等全部大跌價。不論是潮款、返工款抑或係Casual款任你揀，計落條數夠化算，合乎換季經濟原則！
記者：馬家蕙
攝影：陳陶鈞
ImageGirl：Irene

斯文易襯真皮短Boot
HushPuppies全真皮短Boot，款式簡約襟興，想Casual可襯牛仔褲，要斯文又可襯西褲。返工、WeekendLook點襯都無問題，加上真皮軟熟舒適，今年冬季不妨買番對「靴」埋一份！
原價：$790
特賣價：$299



喪減Timberland

鴛鴦皮Boot襯老牛
HushPuppies另一款Casual短Boot，款式糅合波鞋與Boot款於一身。鞋頭仿波鞋設計，鞋筒設有橡筋，款式特別。鞋身較Slim，最啱襯貼身老牛。
原價：$790
特賣價：$249

婆仔鞋款式百搭
婆仔鞋雖然唔係人人都Buy，但HushPuppies今季新推呢款就勝在夠簡約，不失為一對百搭襯衫鞋。全真皮製造，絕對符合舒適要求。
原價：$590
特賣價：$249

新款推介：蝴蝶×花邊斯文返工鞋
今季新鮮滾熱辣款式，鞋頭有小蝴蝶結，襯上鞋邊波浪花，款式花巧得來斯斯文文，最啱襯返工衫。真皮小踭設計，唔怕着得耐會拗柴。
原價：$590
特賣價：$199

最抵着：白皮×麖皮行山Boot
近期Timberland白色力量勢不可擋，除全白色高筒Boot外，此對乃另一款玩WhiteColor的低調款式。白色×淺啡麖皮鞋身，唔止可以潮襯HipHopStyle，踩住行山一樣無問題，男女Size俱備。
原價：$990
特賣價：$399



$299掃K-Swiss

男士BestBuy：麖皮鞋Casual斯文
對行山鞋無興趣，重有其他男裝款Timberland任你揀。要斯文又要Casual，不妨考慮呢對綁帶麖皮優閒鞋款，唔玩花巧，Casual得來又夠斯文，但款式就較為成熟。
原價：$890
特賣價：$399

輕便行山鞋着得舒服
Timberland輕便行山鞋，藍×灰×黑三色麖皮鞋身夠輕薄，用上Polyester質料做鞋裡同鞋舌，透氣度較高而且富彈性，穿着起來貼腳舒服，行山啱晒。
原價：$890
特賣價：$299



同場筍鞋

壓花款男女都啱
鞋身以白色為主，貫徹K-Swiss一向崇尚白色主義的設計。鞋側以壓花、銀色絲網裝飾，款式簡約得來又唔會過於單調，中性款式男女都啱。
原價：$690
特賣價：$299

好色系列
呢兩款男女裝，款式雖然同屬簡單設計，但勝在鞋裡同鞋底有顏色點綴，望落唔會成對白飯魚咁。鞋身夠輕，鍾意做運動不妨買對。
原價：$690
特賣價：$299

ecco長青擘面鞋款
ecco綁帶擘面鞋款，長賣長有。歐洲製造，麖皮質地頗軟熟，橡膠鞋底，襟興襟着，Fans趁平入貨係時候啦。
原價：$990
特賣價：$499

ecco啡油皮玩層次
對麖皮鞋興趣不大，ecco有另一對深啡色油皮款。深啡色油皮鞋面車上白線，效果較有層次感。皮料頗有質素，係麖皮款以外另一選擇。
原價：$890
特賣價：$599



名牌開倉
日期：即日起至12月7日
時間：10:30am-8:30pm
電話：31131222
地址：尖沙嘴新世界中心地庫B2
付款方法：現金、信用卡、EPS

Clarks懶佬鞋啱懶人
Clarks出名用料靚，識貨之人不妨趁機買對。其中有懶人至愛嘅懶佬鞋款，鞋身以軟熟麖皮製造，配以橡膠鞋底，屬舒適襟着之選。
原價：$899
特賣價：$399

Clarks綁帶輕便鞋
Clarks另一系列鞋款，尼龍×麖皮鞋身，鞋裡、鞋身及鞋舌，都選用軟薄及透氣的質料。內外透氣度充足，着去行山當然無問題，就算平時出街粗踩都適合。
原價：$899
特賣價：$399