何超瓊和薛芷倫等前晚往金鐘出席香檳晚宴,超瓊被問到有雜誌指其前夫許晉亨與劉嘉玲復合,她笑言沒可能,又大讚許晉亨是她心目中最好的男人,香港沒有男人比得上。
賭王何鴻燊千金何超瓊、薛芷倫、雷林靜怡夫婦和艾永玲等,前晚往金鐘太古廣場三期出席DonPerignon香檳晚宴。早前有雜誌拍到超瓊前夫許晉亨與舊愛劉嘉玲夜蒲,並指兩人復合,超瓊前晚說:「復合咪好囉,冇所謂㗎。」
現場記者指嘉玲已有偉仔,超瓊即說:「咪係囉,即係冇啲咁嘅事啦,我哋三個從來都係好朋友,你哋咁講人哋好尷尬,我哋幾個都咁靚,大家都係靚仔靚女,靚咗二十幾年啦。」
問超瓊假如下次輪到傳她與許晉亨復合會如何,她說:「又好啫,喺我心目中佢係最好嘅男人,香港冇第二個男人好得過佢。」許晉亨是否比賭王更好,超瓊沒好氣說:「爸爸唔會同我復合㗎嘛,只要我孝順同積極人生,佢就開心㗎啦。」
超瓊隨即再讚許晉亨,她說:「佢有禮貌、有修養又孝順。」記者插嘴指許晉亨十分花心,超瓊即時為他辯護說:「佢選擇伴侶有乜出奇?我哋分開係因為佢鍾意大班人一齊,我又忙工作,時間上真係配合唔到。」記者指許晉亨沒有自己的事業,超瓊說:「佢好本事嘅,唔使返工唔等於玩,佢好叻投資,有錢過我好多,唔通日日喺公司打字先叫返工?」
此外,曾經是Ball場姊妹花的雷林靜怡及薛芷倫,前晚亦是晚宴嘉賓,當雷氏夫婦抵達不夠一分鐘,薛芷倫隨即出現,雷氏夫婦即匆匆步入會場。薛芷倫則心情大好,她主動表示下月生日要大事慶祝,她說:「我覺得自己好似reborn(重生)咁。」
採訪:RitaLeung 攝影:ChenWaiOn