立法會噚日係開放日，唔少市民都趁呢個機會參觀吓平日冇乜機會開放嘅立法會會議廳，主席范徐麗泰重負責帶第一個參觀團，佢帶住班學生參觀立法會大樓入面各種設施，又帶佢哋去議員開會嘅會議廳，等佢哋感受一下議員平日開會嘅氣氛。
班同學仔似乎對議員座位好有興趣，不時試下學議員按鈕投票，佢哋後來又去咗議員休息嘅會議廳前廳，睇吓議員開會開到攰喺乜嘢地方唞氣。至於平日開會時打嗰個鑼，班同學仔亦唔放過，圍住范太係咁問，重個個走埋去試吓打鑼㖭！
（圖）范太（左）帶團好受年輕人歡迎，當佢哋見到個大鑼，重排住隊試打。張家俊攝
傳真︰2623-9278
電郵︰