黑布街一列車房污迹斑斑，3個靚女卻於數月前租了一間車房，翻新成為「甜姐兒糖水」，賣年輕人喜歡的糖水小食。甜姐們負責水吧樓面，廚房則由年輕伙頭Joseph掌管。Joseph入廚經驗15年，做過希爾頓及溫莎酒店，通曉製作西餅甜品。推介糖水有9吋高香芒冰山，「通常人客自己食3吋冰山，其餘6吋要同朋友分甘同味。」Joseph說如果有人能夠1分鐘吃光9吋冰山，即送多一個，各位大胃王不怕牙關發抖，是時候出手了！
除了甜食，店子新推出鹹點。首推蟹子沙律釀雞翼脆香飯，「咪又係普通雞翼飯１碟！」非也，原來炸雞翼拆了骨，釀蟹子沙律，外塗鰻魚燒汁，入口又香又脆，咀嚼時口裏爆蟹子，樂趣無窮！不要忘記雞翼下的煎飯，沾了燒汁，比鍋巴還要過癮。還有滋潤3寶小木桶飯，熱呼木桶有雞髀肉，加杞子、無花果蒸熟，是個冬日滋補選擇。
記者：戴維浩 攝影：蔡鴻雯
甜姐兒糖水（35868866）
地址：旺角黑布街97號地下
座位：20個
交通：地鐵旺角站E2出口，直行轉左。
