天主教香港教區主教陳日君，昨日接受商台節目《在晴朗的一天出發》訪問時為黃霑祝福，寄望天主給他永久的平安，陳日君又大讚黃霑填了很多深入民心的歌詞：他說：「佢肯定抹乾咗好多人嘅眼淚，畀佢哋希望，帶嚟歡笑！」
陳日君表示市民應欣賞藝人的「服務」，從天主教信仰角度，藝人做的是跟他人分享智慧，這是「聖召」，是天主給他們的使命，他說：「人係好需要正當嘅娛樂，藝人係同我哋分享人生嘅智慧，唔好以為我哋信徒只單單講福音嘅智慧。」
對於黃霑離世，陳主教說：「藝人對社會嘅影響好大，尤其霑叔填咗好多歌詞，真係好深入咗我哋老百姓嘅心裏面，佢𠵱家離開，我哋梗係好唔捨得。」陳日君又為一眾藝人祈禱，他說：「藝人好努力工作，畀我哋娛樂，我哋求天主，喺佢哋娛樂我哋時，都帶畀我哋人生嘅智慧。」