何超儀前晚到中環出席主演的新戲《蝴蝶》首映，同戲演員葛民輝、車婉婉及陳逸寧等都有出席。
超儀被問到日前其父何鴻燊生日，她表現不滿但仍微笑說：「我做番自己嘅事，你哋畀啲面我，唔好成日問我家人嘅嘢，我今日着得咁行，問番電影嘢啦。」
超儀透露其夫陳子聰亦有觀看她的新戲，本來做好心理準備，但一看到超儀的親熱鏡頭還是忍不住，結果提早離場，超儀說：「佢可能年紀大，保守咗，但佢冇講唔好接呢啲戲，都有讚我做得好㖭。」
提到病逝的黃霑，超儀說：「我同佢冇合作，但佢由細睇到我大，係好稀有嘅和藹可親同思想新潮嘅uncle，我同ＬＭＦ唱粗口歌俾人鬧，佢都聲援我哋。」
採訪：馮美茵
攝影：林德雄