一生自認風流不文的黃霑，雖有「不文霑」之稱，但當面對一生中最重要的女人林燕妮時，卻表現出其內斂的一面。林燕妮早年在霑叔主持的節目《今夜不設防》中，踢爆霑叔與她拍拖的最初幾個月，只懂講詩詞歌賦，不敢主動錫她，要她自動獻吻。
生性不羈的黃霑經常自認風流不文，他早年更撰寫以性為題材的小品《不文集》，故有「不文霑」之稱，霑叔一生中有過三段情，他曾承認林燕妮是他一生中最重要的女人，林燕妮八九年接受霑叔主持的亞視節目《今夜不設防》訪問時，竟踢爆霑叔當年與她拍拖多月，仍不敢主動錫她，她最終忍不住主動出擊。節目將於今晚十時播出。
林燕妮直言黃霑形象豪放，但面對她時卻非常害羞，黃霑當時在節目中說：「見到佢，我真係唔多敢講嘢㗎！我哋拍拖九個月，連手仔都唔敢拖。」
林燕妮對於外表豪放，但對她十分內斂的黃霑大惑不解，她笑說：「黃霑平時見到女仔會好多嘢講，但係見到我就冇乜嘢講，同佢約會、出街、傾偈，淨係講詩詞歌賦，等咗成幾個月，點解重唔錫我呢？我好少咁冇魅力、好少咁失敗嘅，咁我都幾喜歡呢個男仔，嗰晚佢揸車送我返到屋企，佢停咗架車都冇乜嘢表示，咁我又試吓錫佢，所以係我錫佢先。」
林燕妮還含情脈脈望着黃霑說：「女仔鍾意一個人，梗係想畀佢知我鍾意佢㗎啦，起初係有好多壓力之下同佢一齊，我好多選擇，點解我要將自己擠去一個咁受壓、又會受咁多人指摘嘅環境下去鍾意你？當然因為係你好。」
