特首董建華噚日帶咗二十四個馬仔去同立法會新一屆議員聯絡感情，重逐個逐個握手。握到大狀黨湯家驊，老董突然問佢：「你隻手點解咁凍？」湯家驊答得佢好爽口話：「因為驚咗你！」
食飯時，老董同啲議員講，坐四十個鐘頭飛機去智利開APEC嘅慘況；煲呔繼續同啲議員舌戰西九龍，力撐自己，話民調都係支持單一招標；而外號「查死你們」嘅行會新丁查太就同唐唐鬼死咁好傾，唔知係咪準備接棒，做下屆財政司司長？
吳靄儀就以黃霑為題，乘機喺度批評特區政府公文嘅中文水平實在太差，班官梗係冇聲出啦。
（圖）查太（左）同唐唐言談甚歡，唔知到下任政府會唔會拍住上？
傳真︰2623-9278
電郵︰