有港商最近想斥資三千萬元開一間叫「JulianaDisco」嘅高檔的士高，心目中嘅理想地點有北京、上海同埋香港，最後老闆見香港近期個勢好，決定將資金留番喺呢度，聽日重舉行大型招聘會請二百五十人。負責人話，人工比巿價高一成，職位包括侍應、保安、DJ等。有興趣嘅，聽朝九點不妨去彌敦道莊士倫敦廣場二至三樓試吓。
大商家當然亦睇好香港前景，屈臣氏集團旗下首間Taste噚日喺九龍塘又一城開幕。間舖有三萬五千平方呎，希望提升港人生活品味、追求卓越飲食咁話。
（圖）新開嘅高檔超市Taste話想提高港人生活品味，做生意都咁有抱負？八方真係服咗你。
曾顯華攝
傳真︰2623-9278
電郵︰