早前三星部100萬像素影相手機P730先啱啱有水貨到港，韓國三星已經公布推出內置500萬像素鏡頭嘅SCH-S250，雖然香港就應該冇機會用得到，不過聽見500萬像素鏡頭都已經嚇咗一跳，唔好話領先全球手機商，直情可以當埋數碼相機用。
不過照目前情況嚟睇，手機由體積、和弦、彩芒，鬥到現時嘅鏡頭像素，都可以講去到一個樽頸位，因為就算手機有一千萬像素鏡頭，影出嚟嘅相個Size以MB、MB聲咁計，就算用3G都未必可以即時Send畀朋友，再加上用得手機影相，好多時都係SnapShot，頂多返到屋企，都係打印張3R相過吓癮，筆者就真係未見過喺街有人拎住支GITZO腳架，插住部手機嚟影相，想影靚相不如正正經經買部數碼相機。手機廠，係時候諗諗新出路啦！
文：無比風
《吹吹IT風》以討論及分析熱門IT話題為主，由電腦、數碼相機、手機、AV產品到TVGames，都屬討論範圍，歡迎讀者提出改善建議、討論話題、疑難雜症，谷氣投訴甚至自薦發表文章都得，總之大家多多交流。
