荷李活女星名媛Big爆淺水灣
傅明憲迷信藍寶石咒怨怕怕

酥胸半露的荷李活女星美娜蘇雲露及傅明憲等，前晚往淺水灣出席珠寶名牌舉行的晚宴。傅明憲表示聽聞曾有女王被斬頭，她所佩戴過的藍寶石頸鏈傳至女兒手上，女兒又患癌症，不是幸運之物，所以盡量少買藍寶石飾物。

主演電影《血仍未冷》的荷李活女星美娜蘇雲露（MiraSorvino）、傅明憲及雷兆光夫婦等，前晚往淺水灣出席珠寶名牌HarryWinston晚宴，各人佩戴名貴珠寶，盛裝示人，其中美娜蘇雲露酥胸半露，佩戴的綠寶頸鏈及手鏈更價值逾一千六百多萬元。

「買珠寶求開心」
傅明憲穿上LV晚裝出席，她表示最愛rose-cut的鑽石及有顏色的鑽石，但卻盡可能少買不幸運的藍寶石，她說：「因為我聽過以前有個女王戴過一條藍寶石頸鏈後就被斬頭，之後傳畀佢個女，個女亦患上癌症。」
傅明憲續說：「買珠寶都係求開心啫，唔係買嚟擔驚受怕。」她又笑言自己是「耳環人」，每次入珠寶店第一眼總是先看耳環。提到黃霑日前病逝，傅明憲說：「我父母同霑叔好熟，佢死嗰晚我重開着電視通宵寫緊稿，忽然喺電視見到霑叔個大仔，我同佢大仔都識嘅。」

雷林靜怡升Cup
此外，懷有八個月身孕、下月將分娩的雷林靜怡，胸部明顯較前豐滿很多，她笑說：「我都唔知升咗幾多cup，呢排瞓得好差，每晚都係瞓五個鐘。」她又表示這胎刻意不照超聲波，想有驚喜，問已有一子的雷林靜怡若今胎都是仔，她會否再追個女？她說：「唔知呀，睇吓有冇獎勵先啦。」
採訪、攝影:RitaLeung