天才橫溢的黃霑，入行前曾向百代唱片公司自薦，可惜才華未獲賞識，去年他跟前輩歌手姚莉飯敍時，曾自爆當年因自薦失敗，激勵他奮發圖強，要在填詞界爭一口氣。霑叔又透露未能跟姚莉兄長、已故著名作曲家姚敏合作，是一大憾事。
黃霑是一位天才橫溢的填詞家，六十年代已開始創作生涯，霑叔第一首發表的作品，是六八年他為前妻華娃作曲填詞的國語歌《迷》。前日記者跟前輩歌手姚莉談及霑叔生前的軼事時，姚莉卻說出了霑叔鮮為人知的奮鬥故事。與此同時，姚莉又指霑叔因為未能與中國著名作曲家、姚莉已故兄長姚敏合作而感到十分遺憾。
曾主唱《玫瑰玫瑰我愛你》等經典金曲的前輩歌手姚莉，前日在電話中說：「黃霑咁多年嚟對我好好，好尊敬我哋老一輩嘅歌手，記得舊年佢接我去福臨門食飯，一傾就傾咗三個幾鐘頭。佢話呢一生人最遺憾係唔能夠同我哥哥姚敏合作，就算係一首兩首都好，可惜我哥哥六七年已經過咗身。」
姚敏是中國著名作曲家，筆下名曲包括《春風吻上我的臉》、《情人的眼淚》、《我有一段情》、《桃花江》和《三年》等。
姚莉又說：「黃霑重未出名嘅時候，曾經試過向百代唱片公司（ＥＭＩ）自薦，可惜失敗咗，佢同我講，話當年自己才華未被賞識，覺得好激氣，但佢亦好多謝當時嘅百代公司唔用佢，因為如果唔係咁嘅話，就唔會激勵到佢奮發圖強，要立志做一個好出色嘅填詞家。」
姚莉大讚霑叔是一個不可多得的人才，她最欣賞霑叔填詞的《忘盡心中情》和《兩忘煙水裏》，姚莉對於霑叔病逝，感到十分難過。
姚莉說：「黃霑同我講，話做藝人急流勇退就最好，又話佢太太Winnie係佢最後一個深愛嘅女人，為咗呢個女人，佢會重新做人。黃霑咁後生就過咗身，真係好可惜。」
採訪：戴彩煥
