鄭中基與劉青雲早前齊到印度拍攝賀歲片《喜馬拉亞星》，二人在當地穿上印度傳統服裝扮鬼扮馬，更齊齊扮瑜伽大師惡鬥。自言一向有運動的鄭中基笑言玩瑜伽毫無難度，連抬腿彎身啃腳的動作都做得來，更大呼好玩。
由韋家輝執導、劉青雲、鄭中基、吳鎮宇和張栢芝主演的電影《喜馬拉亞星》，安排在賀歲檔期上映，由於該片以印度為背景，拍攝大隊在當地逗留了一個多月。《喜》片是一齣瘋狂搞笑電影，導演希望觀眾於新年時可以看得開開心心。
不過，鄭中基在印度拍戲期間因水土不服，連續數天又屙又嘔，而他的助手則弄傷了腳，原本其助手要求返港治療，但鄭中基與劉青雲都不願讓他離開。
鄭中基日前接受電話訪問時說：「我個助手整傷腳，青雲同我話冇事嘅，叫佢唔使走，可以繼續留低，不過我個助手死都唔肯留低，佢好好玩㗎，但佢點都要返香港，留唔住。」
鄭中基又指今次扮演瑜伽大師一角十分好玩，他說：「玩瑜伽原來要身體好柔軟，好在我平時喺香港成日有做運動，啲筋骨早已拉鬆咗，所以做瑜伽時唔覺得有任何難度，我同青雲着咗啲印度衫，曬到黑黑實實，扮印度人都幾似同搞笑㗎。」他更示範啃腳的動作，十分搞笑。
此外，同片演員Shine則趁空餘時間逛當地巿集時，發現街道兩旁躺着很多人，而且動也不動雙眼緊閉，街上路人對他們又視而不見，令他們以為那些人身體不適，後來才知道他們是失業人士在午睡，原來當地失業率很高，Shine不禁說：「原來工作忙都係一種福氣。」
撰文：蔡丹
