轉唱片公司換埋形象
何韻詩學足阿梅再戰江湖

何韻詩出道短短四年，已經歷了兩次唱片公司的變動，近日她簽了東亞唱片公司，坦言會以師傅梅艷芳為目標，明年全面發力，再戰江湖。

何韻詩近日簽了東亞唱片公司，放棄了一貫有型的中性打扮，改以女性化造型亮相，舉手投足甚具師傅梅艷芳的影子，阿詩坦言是受阿梅病逝及過去一年所經歷的人和事影響。

被迫成長
阿詩說：「今年年頭一個咁親嘅人離開，自己就好似進入咗另一個階段，要迫自己成長，對我嚟講，佢係我由細到大嘅偶像，如果以前有人話我似佢，我會好介意，但係𠵱家我已經摸清楚自己條路，所以話我似梅姐，我會覺得係榮幸同光榮，自己亦都會視梅姐為目標。」
阿詩對於自己今年在樂壇成績，會因為唱片公司的變動而受影響，連全新的專輯亦要相隔一年，於下月才推出，無疑令到阿詩在年底頒獎禮上的成績岌岌可危，不過一向樂觀的她不但沒有灰心，反而為終於可以安定下來而開心，寄望明年全心全意發展事業。阿詩說：「我依然會專注喺唱歌方面，因為始終係我嘅強項，公司亦都會安排我拍電影，所以我身邊嘅人都同我講，出年係我嘅天下，自己下年都會全面發力，重會發展埋外地市場，相信未來會有好多機會。」

不再迷失
阿詩坦言經歷過的變動，可以鍛煉她臨危不亂，更不會因而迷失了自己。