煲呔曾近日俾西九龍文娛藝術區搞到鬼咁頭痕，重成日發晒火同啲反對者開片。佢前日同鄭經翰食飯，大班就同煲呔講，好多市民嘅意見都係反對，立法會更加不在話下啦，社會對呢個問題好有意見，距離有共識重有好大段路。大班諗住勸煲呔唔好咁「𤷪𤺧」啦，不過都係勸佢唔掂。大班同八方講，煲呔梗係認為自己做得啱啦。
又大班今晚會重出江湖，同名嘴黃毓民一齊喺黃大仙廟開咪，就近期成籮咁大堆嘅爭議噴吓口水。而且，黃大仙區係佢嘅選區，當然要喺呢度曝吓光啦。
（圖）黃大仙係大班嘅選區，佢梗喺呢度開咪啦，噚日佢就去呼籲啲商戶加入佢牽頭嘅大聯盟。
傳真︰2623-9278
電郵︰