倪震前晚主持商台節目，他大談與霑叔的往事，倪震說：「我同霑叔係好親近，既係父親、又係師傅、又係朋友，佢喺我人生入面係一個好重要嘅人，佢個人真係好真，佢詼諧但係唔反智，我今日同我爹哋（倪匡）通過電話，大家都好懷念佢嗰股真。」
今次霑叔逝世，令倪震更懂珍惜身邊人，他說：「我噚日嚟之前喺車收到呢個壞消息，雖然唔知真定假，但係都覺得唔妥，我已經喊咗轉。之後返屋企，發覺身邊嘅人好緊要，我同阿Vi（周慧敏暱稱）喺呢啲時候亦都會互相扶持，希望大家將黃霑精神發揮落去。」
另一方面，羅大佑因替黃霑製作《滄海一聲笑》專輯而成為好友，他昨日回憶該專輯推出市面熱賣後，黃霑曾跟他說：「這是我賺得最快的一百萬港幣。」
羅大佑沉痛地說：「他是有才華的藝術家，雖然他走了。」