由華納同Miramax等電影公司投資拍攝嘅大製作《TheAviator》一直都被視為下屆奧斯卡嘅爭標熱門，近日終於出現咗關於呢部作品嘅影評，霍士新聞認為呢部戲係充滿動作場面嘅史詩式製作，絕對冇令觀眾失望，而且好有機會為導演馬田史高西斯（MartinScorsese）打破攞唔到奧斯卡嘅魔咒。
影評認為由史高西斯同好拍檔里安納度狄卡比奧（LeonardoDiCaprio）再度合作嘅《TheAviator》，唔止會獲提名奧斯卡各項大獎，攞獎亦絕對冇問題，Miramax已經以最佳電影為目標，希望可以掃走今年《亂世情天》慘敗嘅衰氣。據知有力一爭嘅電影重有《小飛俠前傳之魔幻童心》、《Sideways》同奇連伊士活（ClintEastwood）嘅新片《MillionDollarBaby》等。
影評又指出扮演侯活曉士（HowardHughes）嘅里安納度為部戲做咗好多準備工夫，佢特別練咗一種美國南部嘅口音講對白，好似克林頓（BillClinton）上身咁，學晒佢講嘢時嘅節奏同韻律。而描述由卡塔布蘭切（CateBlanchett）飾演嘅嘉芙蓮協賓（KatharineHepburn）喺影壇發展嘅故事，就被認為係成部片最有趣嘅情節。